Ushtria izraelite njoftoi se Hezbollahu hodhi rreth 80 raketa në veri të Izraelit sot dhe rrëzoi katër dronë që u lëshuan nga Libani.

Izraeli nisi sulmet ajrore në objektet ushtarake në Iran të shtunën, duke thënë se kishte në shënjestër objektet e përdorura për prodhimin e raketave të lëshuara në Izrael në fillim të këtij muaji, së bashku me vendet e raketave tokë-ajër.

Sulmi rrezikon t'i shtyjë armiqtë më afër luftës së përgjithshme në një kohë të dhunës në rritje në Lindjen e Mesme, ku grupet militante të mbështetura nga Irani, duke përfshirë Hamasin në Gaza dhe Hezbollahun në Liban, tashmë janë në luftë me Izraelin.

Luftimet në Liban kanë detyruar 1.2 milion njerëz të braktisin shtëpitë e tyre, duke përfshirë mbi 400 mijë fëmijë, sipas Agjencisë së Kombeve të Bashkuara për Fëmijët.

Sulmet izraelite kanë vrarë një pjesë të madhe të udhëheqjes së lartë të Hezbollahut që nga intensifikimi i luftimeve në shtator.