Fatmir Haxholli, sekretari i Zyrës Ndërlidhëse të Kosovës në Serbi, ka bërë të ditur se sipas një njoftimi ende të pakonfirmuar që i është dërguar mediave në Brograd, Serbia ka ndaluar një qytetar me inicialet F.K i lindur me 1968.

Ai ka shkruar në Facebook se “është për keqardhje që Serbia, vendi me historinë më të freskët të krimeve të luftës dhe gjenocidit, nuk dinë të ndalur me arrestimet, siç bëri para pak kohësh, dhe siç ka bërë edhe sot, sipas një njoftimi ende të pakonfirmuar që i është dërguar mediave në Beograd, nga ministria e punëve të brendshme të Serbisë.

“Po sipas njoftimit të tillë të ndarë me mua nga njerëz vullnetmirë, Ivica Daçiq, i ka njoftuar mediat sot për ndalimin e një qytetari me iniciale F.K i lindur më 1968, dhe kjo sipas njoftimit gjoja duke e ngarkuar për ngjarje gjatë periudhës maj të vitit 1999, në luftën e lavdishme të UÇK-së në Koshare”, shkruan Haxholli në Facebook.   

Ai ka shtuar se ‘të vetmit që kanë bërë krime në Kosovë, Koshare, ku forcat miltare dhe paramilitare pësuan fiasko, janë forcat serbe, dhe nëse dikush duhet ndjekur për krime lufte në Kosovë dhe Koshare, ai do të duhej të jetë pjesëtarë i atyre forcave’.