Prishtinës iu ka shtuar edhe një bust i heroit kombëtar Hasan Prishtina, figura e të cilit u vlerësua lartë që nga pasardhësit e familjes së Gjergj Kastriot, asaj të Ismail Qemailit, historianë dhe personalitete të tjera.

Hasan Prishtina i shkrirë në bronz, u vendos në rrugën “Hasan Prishtina”, si iniciativë e Fondacioni “Hasan Prishtina”.

Pasardhësi i Hasan Prishtinës, njëherësh drejtor i Fondacionit “Hasan Prishtina”, Memhet Prishtina tha se pas inaugurimit të bustit të Hasan Prishtinës në Dibër po inaugurojnë bustin e kalosit kombëtar.

Profesori i historisë, Bujar Dugolli foli për jetën dhe veprën e heroit, duke thënë se hartografia shqiptare dhe jo vetëm, Hasan Prishtinën e njeh si patriot dhe demokratë të shquar që luftoi për lirinë dhe pavarësinë e atdheut, demokratizimin e jetës së vendit, çlirimin e Kosovës nga shteti serb dhe bashkimin e saj me shtetin shqiptarë.

Pasardhësi i Gjergj Kastriotit, Loris Kastrioti- Skenderbeu2, tha se duhet të shkojmë atje ku vlerat, idealet e këtyre heronjve na e kanë treguar rrugën.

Në këtë ceremoni të pranishmit i përshëndeti edhe nipi i Ismail Qemailit,Qemajl Vlora tha se do të jenë çdoherë bashkë për të mirën e kombit.

Këtë ceremoni nga Shqipëria e ka përshëndetur edhe presidenti shqiptar, Bajram Begaj.