Me rastin e 25 vjetorit të masakrës në Krushë të Madhe, komuna e Rahovecit në fshatin Fortesë ka organizuar një manifestim qendror.

Të pranishëm ishin kryetari i kësaj komune, Smajl Latifi, kryetari i Aleancës për Ardhmërinë e Kosovës (AAK), Ramush Haradinaj, Ministrja e Drejtësisë, Albulena Haxhiu, si dhe familjarë të të rënëve e qytetarë të shumtë.

Në fjalën e tij, Latifi tha se janë bërë 25 vjet pa ushtarët që dhanë jetën, por se ata janë arsyeja që Kosova frymon e lirë sot.

Ndërsa, kryetari i AAK-së, Ramush Haradinaj është shprehur se NATO i është gjendur Kosovës në kohë lufte, ndërsa Kosova do të jetë me ta përjetësisht në kohë paqe.

Po ashtu nënkryetari i fshtatit, Besnik Popaj ka shtuar se gjaku i të rënëve është arsyeja dhe drita e lirisë sonë.

Pas manifestimit, kryetari Latifi, ka dërguar të parin e AAK-së, Haradinaj tek lumi Bellaja, ku ishin vrarë të gjithë ushtarët e UÇK-së në Fortesë më 25 mars 1999.

Gjatë luftës së vitit 1999 në fshatin Fortesë janë vrarë nga forcat serbe 69 martirë, në Brestoc 5 dëshmorë dhe 49 martirë, ndërsa në Celinë janë vrarë 75 martirë. /A.Shala/

Lajmi i plotë në sistemin me parapagim...