Tre muaj para se të qytetarët e Kosovës të mund të lëvizin pa viza në zonën Schengen, Qeveria ka filluar fushatën e informimit rreth rregullave që duhet ndjekur nga 1 janari i vitit të ardhshëm.

Liberalizimi vizave nuk do të thotë shkollim, studim apo punësim në vendet e tjera, por është vetëm për vizita afatshkurta, tha këshilltari për Integrime Evropiane, Mehdi Sejdiu.

Ai theksoi se qytetarët në raste të vizitës te familjarët duhet të dinë numrin e telefonit, adresën e saktë dhe emrin e familjarit, për t’ia treguar policisë kufitare.

Ndërsa, shtoi se nëse qytetari shkon si turist duhet të ketë biletën kthyese të udhëtimit, mjetet e mjaftueshme financiare dhe rezervimin e hotelit.

Lidhur me udhëtimet për arsye shëndetësore, Sejdiu tha se mund të udhëtohet pa vizë por pagesën e bën qytetari.

Ai foli edhe për pasojat që mund të marrin qytetarët në rast shkelje të rregullave sa i përket liberalizmit të vizave.

Ndërsa disa qytetarë u shprehën të shqetësuar se pas lëvizjes së lirë Kosova mund të ketë probleme me fuqinë punëtore meqë sipas tyre, të rinjtë do të ikin.

Lajmi i plotë është në sistemin me parapagim.

Më 18 prill të këtij viti Parlamenti Evropian miratoi vendimin që qytetarët e Kosovës të lëvizin të lirë në vendet e BE-së nga 1 janari i vitit 2024.

Ndërsa një ditë më vonë, më 19 prill është nënshkruar akti ligjor për liberalizimin e vizave për Kosovën./Z.Zeneli