Kandidati për kryeministër nga Partia Demokratike e Kosovës, Bedri Hamza, është zotuar se gjatë qeverisjes së tij Kosova do të forcojë marrëdhëniet me Shtetet e Bashkuara të Amerikës dhe Bashkimin Evropian.

Në tubimin elektoral në Mitrovicë, Hamza, premtoi se pas 9 shkurtit do t’i rrisin pagat në sektorin publik 50 për qind, ndërkaq premtoi se edhe barnat esenciale do të jenë falas.

Hamaza tha se kur ky qytet lëviz, krejt Kosova shkon përpara, andaj kërkoi që ta dëgjojë “krejt vendi se një erë e re e ndryshimit po fryn”, e cila sipas tij do të kulmojë me fitoren e PDK-së më 9 shkurt.

Kandidati i PDK-së për kryeministër renditi edhe premtimet elektorale, ku nënvizoi se epiqendra e transformimit do të jetë Mitrovica.

Kryetari i PDK-së, Memli Krasniqi, tha se Kosova ka nevojë për një kryeministër që i bashkon shqiptarët. Sipas tij, Hamza ka plan për Kosovën dhe i qëndron prapa premtimeve të tij.

Kujtojmë, fushata për zgjedhjet parlamentare të 9 shkurtit ka hyrë në javën e saj të tretë.

Lajmi i plotë në sistemin me parapagim.