Hamza: Kriza energjetike në vend pasojë e qeverisë Kurti
Zgjedhjet 2026
Lexohet për: 2 min.
Dëgjoje me zë...
Hamza: Kriza energjetike në vend pasojë e qeverisë Kurti
Kryetari i Partisë Demokratike të Kosovës Bedri Hamza ka deklaruar se Kosova po përballet me reduktime të energjisë elektrike, ai u ndal fillimisht te prioritetet që, sipas tij, PDK do t’i trajtojë në ditët në vijim.
Hamza në konferencë për mediam tha se qytetarët në gjithë vendin po përballen me një situatë të rënduar, për të cilën ai fajësoi qeverinë aktuale.
“Gjithandej Kosovës, kudo që po lëvizim, siç ka qenë Ferizaj, Gjakova, Peja, dhe qytete të tjera, njerëzit e kanë një konstatim: Kosova është në krizë. Dhe kjo krizë e ka një shkaktar, dhe kjo është Kryeministri aktual dhe qeveria aktuale. Asnjë kapacitet i ri energjetik domethënës gjatë këtyre viteve. Për më tepër, dështim dhe refuzim i projekteve. Dështim i kapaciteteve në termocentrale, dështim dhe refuzim i projektit të gazit dhe projekteve të tjera energjetike. Për Partinë Demokratike të Kosovës, energjia do të thotë ekonomi, do të thotë siguri, do të thotë stabilitet makrofiskal. Gjatë këtyre ditëve do të mbajmë disa konferenca me tema edhe me tematikat e prioritetet që ka Partia Demokratike e Kosovës. Sot do të flasim për shtyllën e dytë që është energjia dhe investimet në infrastrukturë. Fatkeqësisht, në nuk kemi energji elektrike, nuk kemi drita, pjesa e madhe e qytetarëve të Prishtinës po përballen me reduktime. E kjo tregon peshën dhe rëndësinë e këtij prioriteti që e ka Partia Demokratike e Kosovës”, tha ai.
Hamza shtoi se programi i tyre përfshin edhe investime në infrastrukturë rrugore, hekurudhore dhe digjitale.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
