Kryetari i Partia Demokratike e Kosovës, Bedri Hamza, ka reaguar për gjendjen ekonomike dhe sociale në vend, duke thënë se qytetarët po përballen me çmime të larta, ndërsa pagat dhe pensionet vazhdojnë të mbesin të ulëta.

Hamza ka deklaruar se kjo situatë përbën padrejtësi sociale, duke kritikuar politikat aktuale për krizën ekonomike dhe stagnimin në vend.

“Çmimet si në Evropë, por jo edhe pagat dhe pensionet. Kjo është padrejtësi sociale. Për këtë arsye, ne do t’i themi STOP krizës ekonomike dhe sociale që e kanë sjellë vendimet e gabuara politike. Do t’i themi stop çmimeve dhe tatimeve të larta, pagave e pensioneve të pamjaftueshme, stagnimit dhe regresit”, ka shkruar Hamza.

 Sipas tij, pas 7 qershorit do të nisë një etapë e re për Kosovën, me fokus zhvillimin ekonomik, mirëqenien dhe dinjitetin e qytetarëve.

/Kosovapress/