Hamilton rikthehet në podium, renditet i treti
Sport
Lexohet për: 1 min.
Dëgjoje me zë...
Hamilton rikthehet në podium, renditet i treti
Piloti i Ferrarit, Lewis Hamilton, u rendit i treti në kualifikimet për Çmimin e Madh të Monacos, vetëm dy të dhjetat prapa pole position-it, duke vazhduar formën e mirë me skuadrën italiane.
Shtatë herë kampioni i botës pranoi se Ferrari nuk u ndje aq konkurrues sa në seancat stërvitore, por mbeti i kënaqur me paraqitjen e tij.
"I dhashë absolutisht gjithçka. Ishte një privilegj të jem këtu dhe e dua çdo sekondë të kësaj," deklaroi Hamilton pas sesionit.
Britaniku u mposht nga Max Verstappen dhe sensacioni i ri i Mercedesit, Kimi Antonelli, i cili siguroi vendin e dytë me xhiron e fundit. Hamilton theksoi se diferencat janë minimale mes skuadrave.
"Menduam se mund ta kishim pole position-in, por Max bëri një xhiro të shkëlqyer dhe më pas erdhi Kimi. Është fantastike të shohësh sa afër janë të gjitha makinat. Ne jemi ende në luftë," shtoi ai.
Sipas raportimit të Flashscore, Ferrari do të analizojë ndryshimet e papritura në sjelljen e makinës gjatë kualifikimeve, ndërsa Hamilton mbetet optimist për garën e së dielës në rrugët e ngushta të Monacos.
KosovaPress
