Greta Thunberg akuzohet për shkelje të rendit publik pas arrestimit në protestën në Londër
Aktivistja suedeze e klimës Greta Thunberg është akuzuar për një shkelje të rendit publik pas arrestimit të saj për protestën jashtë Forumit të Inteligjencës Energjetike të këtij viti në Londër, tha Policia Metropolitane në një deklaratë të mërkurën.
20-vjeçarja u akuzua për mospërmbushje të një “kushti të vendosur sipas nenit 14 të Ligjit për Rendin Publik”, thuhet në deklaratë.
Thunberg kishte marrë pjesë në një protestë të organizuar nga grupi i klimës Fossil Free London jashtë hotelit “Intercontinental” në Park Lane të Londrës, duke protestuar ndaj samitit vjetor që mbledh shefat ekzekutivë nga kompanitë e naftës dhe gazit.
Thunberg do të paraqitet në Gjykatën e Magjistraturës së Westminster më 15 nëntor, së bashku me 10 të tjerë, raporton CNN.
Aktivistja e klimës arrestohet në protestën e Londrës kundër lëndëve djegëse fosile - KosovaPress
