Të rrezikshme po konsiderohen grafitet në Serbi që bëjnë thirrje për kthimin e ushtrisë serbe në Kosovë. Si të tilla vlerësohet se janë produkt i bashkëpunimit të ekstremit të djathtë dhe organeve serbe të sigurisë. Ekspertët e sigurisë thonë për KosovaPress se grafitet që së fundmi janë shfaqur në masë të madhe në Serbi, kanë përmbajtje nacionaliste, ekstremiste dhe bëjnë thirrje për dhunë.

Së fundmi, shumë rrugë të Serbisë janë mbushur me grafitë ku shkruhet “Kur të kthehet ushtria në Kosovë”. Për herë të parë ky slogan është parë në një ndeshje futbolli, në të cilën ka marrë pjesë presidenti i Serbisë, Aleksandër Vuçiq.

Hulumtuesi i lartë në Institutin “Octapus”, Taulant Elshani thotë se këto mesazhe janë produkt i bashkëpunimit të ngushtë të ekstremit të djathtë dhe organeve serbe të sigurisë.

Madje, ai i konsideron si rrezik këto thirrje në Serbi, për çka shton se ndikojnë edhe në nxitje të urrejtjes.

Hulumtuesi i lartë në “Octapus” shton se duhet të investohet më shumë në demokratizimin e Serbisë dhe ndryshimin e klasës politike në Serbi.

Edhe eksperti i sigurisë, Nuredin Ibishi deklaron se kjo është një luftë speciale e krerëve të institucioneve në Serbi.

Për këto grafite ka pasur reagime të ashpra në Kosovë si dhe disa personalitete ndërkombëtare.

Kryeministri Albin Kurti ka thënë se thirrjen për dhunë janë të pandërprera dhe ka krahasuar këtë ngjarje me ngjarjen e vitit 1990./Sh.Pajaziti

https://kosovapress.com/admin/mesazhi-i-tifozeve-serbe-per-kosoven-kurti-kujton-shkendijen-e-lufterave-ne-ish-jugosllavi/

https://kosovapress.com/admin/%e2%80%8btifozet-serbe-kerkojne-kthimin-e-ushtrise-ne-kosove-bislimi-jane-mesazhe-te-vuciqit/

https://kosovapress.com/admin/grafitit-serb-kur-ushtria-te-kthehet-ne-kosove-shqiptaret-i-pergjigjen-nenat-serbe-prape-do-te-vajtojne/?fbclid=IwAR0mbWFNplcW-RsyYSor7hwSAW_6d4vpUo4hV6372khpNA_7YX-Ffk0i-g0