Policia e Kosovës ka arrestuar 234 persona dhe ka konfiskuar 77 revole dhe 13 armë të gjata brenda një muaji, në kuadër të zbatimit të urdhrit operativ “Goditja”.

Policia e Kosovës njofton se që nga 8 gushti i këtij viti, kur ka filluar së zbatuari urdhri në fjalë, e deri më 6 shtator 2023, nga zyrtarë policorë të angazhuar në zbatim të ‘Goditjes’, numri i patrullimeve në zona urbane ka qenë 14417 patrullime, numri i pikave të kontrollit të automjeteve 12511, prej tyre 3274 me radar ose alkool-test.

Po ashtu numri i veturave të kontrolluara 72386 vetura, numri i lokaleve të kontrolluara 966 lokale, numri i personave të arrestuar 234 persona, numri i armëve të zjarrit të konfiskuara 77 revole, 13 armë të gjata dhe numri i municionit të konfiskuar 2376 copë fishekë kalibrash të ndryshëm.

“Detyrat që parashiheshin të realizoheshin në zbatim të urdhrit në fjalë janë shtimi i patrullimeve policore,  kontrollimi i veturave, lokaleve e personave me qëllim që të gjinden, konfiskohen e procedohen rastet kur ka armëmbajtje pa leje, prishje të rendit e qetësisë publike dhe iniciohen raste tjera penale, përfshirë arrestimin e personave të përfshirë në raste penale”, thuhet në komunikatë.

Policia e Kosovës njofton se me qëllim të shtimit të masave të sigurisë në pjesët urbane të vendit, në pjesët ku ka prezencë më të madhe të qytetarëve (lokale hoteliere, bare nate, kafiteri etj), ka hartuar dhe zbatuar një urdhër operativ (UO “GODITJA”).

Në komunikatë thuhet po ashtu se policia edhe në ditët në vazhdim do të vazhdojë me aktivitete me qëllim të shtimit të masave të sigurisë, inicimin e rasteve kriminale, arrestimin e personave që bien ndesh me ligjet e vendit.

https://kosovapress.com/admin/urdhri-operativ-goditja-per-pese-dite-72-te-arrestuar-dhe-34-arme-te-konfiskuara/