Ngritja e aktakuzave për gjykimin në mungesë për ndëshkimin e kryesve të krimeve gjatë luftës në Kosovë, nuk pritet të prodhojë asnjë efekt juridik për të akuzuarit, por as drejtësi për viktimat. Kështu po vlerësojnë njohës së sistemit të drejtësisë dhe mbrojtës të të drejtave të njeriut. Ndërsa, Prokuroria Speciale tashmë ka ngritur dy aktakuza për gjykim në mungesë për krime lufte.
Nga Fondi për të Drejtën Humanitare, Bekim Blakaj konsideron se përkundër vështirësive që Prokuroria Speciale t’i sjellë para drejtësisë kryesit e krimeve të luftës, edhe gjykimi në mungesë nuk do të sjellë drejtësi për viktimat.
E nga Këshilli për Mbrojtjen e të Drejtave dhe Lirive të Njeriut, mendojnë se e gjykimi në mungesë po shfrytëzohet më shumë për shkaqe politike sesa për të prodhuar ndonjë efekt juridik.
Kryetari i KMDLNj-së, Behxhet Shala konsideron se ky lloj gjykimi nuk do të prodhojë asnjë efekt juridik, qoftë për të akuzuarit, por edhe viktimat e krimeve të luftës në Kosovës.
Lajmi i plotë është në sistemin me parapagim.
Në fillim të këtij muaji, Prokuroria Speciale e Kosovës ngriti dy aktakuza në mungesë kundër të pandehurve Ç.A. dhe D.R. - të dyshuar për krime lufte në Kosovë, gjatë vitit 1999.
Sipas prokurores, Hajdari gjykimi në mungesë paraqet përmbushje të drejtësisë për viktimat e krimeve të luftës, pasi arrihet të dokumentohet krimi i kryer.
Në luftën e fundit në Kosovë janë vrarë e masakruar mbi 13 mijë civil, dhunuar seksualisht 20 mijë gra e burra, ndërkaq ende mungojnë mbi 1600 persona të zhdukur me forcë./B.Ibishi/
