Gjykata Themelore vendos për ligjshmërinë e Kuvendit Zgjedhor të FFK-së
Gjykata themelore në Prishtinë ka kofirmuar se Kuvendi Zgjedhor i Federatës së Futbollit të Kosovës është tirrur në mënyrë të ligjshme.
Gjykata Themelore në Prishtinë, me dy vendimet e saja ka konfirmuar ligjshmërinë e thirrjes së Kuvendit të rregullt zgjedhor për kryetar të FFK-së i caktuar për datën 6 prill 2022. Së pari Gjykata Themelore në Prishtinë-Departamenti për Çështje Administrative ka shpallur veten jo kompetente për të vendosur, ndërsa më pas Departamenti i Përgjithshëm i kësaj gjykate, e ka refuzuar si të pabazuar kërkesën e paditësit për anulimin dhe shtyerjen e vendimit për mbajtjen e zgjedhjeve për kryetar të FFK-së për datën 6 prill 2022, të ushtruara kundër Federatës së Futbollit të Kosovës.
Gjykata Themelore në Prishtinë përmes këtyre dy aktvendimeve nuk ka gjetur asnjë shkelje dhe paligjshmëri në lidhje me Kuvendin e FFK-së që do të mbahet më datën 6 prill 2022 dhe as me kompetencat e Sekretarit të FFK-së, në mbarëvajtjen e këtij Kuvendi.
Kuvendi Zgjedhor i FFK-së është i thirru të mbahet më 6 prill, por ende nuk është caktuar ora e mbajtjes së tij.
Pretendenti për kundërkandidat i Agim Ademi, Gramoz Vokrri paditi FFK-në duke kërkuar anulimin e mbajtjes së këtij kuvendi.
