Tre persona kanë mbetur të plagosur si pasojë e të shtënave me armë zjarri në Lupç të Podujevës, derisa një tjetër ka marrë lëndime pasi është sulmuar me thikë.

Të plagosurit janë sjellë për trajtim mjekësorë në Qendrën Emergjente në QKUK.

“Sot rreth orës 16:00 kemi marrë informatën për të shtëna me armë zjarri në fshatin Lupç të Podujevës. Menjëherë pas marrjes së informatës policia ka dalë në vendin e ngjarjes  dhe ka ndërmarrë të gjitha veprimet e nevojshme. Bazuar në të dhënat e deritanishme  në këtë rast janë plagosur nga arma e zjarrit tre persona, ndërsa një person ka pësuar lëndime nga arma e ftohtë (thikë). Hetuesit policor në koordinim me prokurorinë, po ndërmarrin  veprimet hetimore për  ndriçimin e plotë të rastit”, thotë zëdhënësja e Policisë për Rajonin e Prishtinës, Flora Ahmeti për KosovaPress.