Girona ‘ia huq’ ndaj skuadrës së fundit në tabelë, por kalon Realin në krye të tabelës
Futbollistët e Girona-s morën kryesimin e kampionatit spanjoll pasi luajtën 0:0 në ndeshjen e xhiros së 20 kundër Almeria.
Surpriza më e këndshme në La Liga sivjet, nuk arriti të thyejë mbrojtjen e kundërshtarit.
Almeria ishte edhe më afër fitores dhe lojtari më i mirë i skuadrës mysafire ishte portieri Paulo Gazzaniga.
Almeria, e cila nuk arriti fitoren e parë as në raundin e 20-të, dërgoi 20, ndërsa Girona vetëm pesë goditje, nga të cilat vetëm një goditi kornizën.
Girona luajti me një lojtar më pak nga minuta e 80-të pas përjashtimit të Aleix Garcia.
Me këtë ndeshje, Girona vazhdoi serinë e saj të pamposhtur prej 12 raundesh, duke shënuar nëntë fitore dhe tre barazime, dhe të paktën përkohësisht zuri kryesimin e tabelës me 49 pikë.
Real Madrid ka një pikë më pak, por edhe një lojë më pak. Megjithatë, për shkak të angazhimeve në Superkupën e Spanjës, Reali do ta luajë ndeshjen ndaj Getafes më 1 shkurt.
Me këtë rezultat Almeria përfundoi një seri prej dy humbjesh radhazi, por ende nuk ka një fitore të vetme këtë sezon. Në 20 raunde, ajo fitoi vetëm gjashtë pikë, 10 më pak se zona e sigurisë.
