Alejandro Garnacho beson se trajneri i Aston Villas, Unai Emery, mund ta ndihmojë atë të rikthejë formën që e bëri një nga talentet më të përfolura te Manchester United.

Sulmuesi anësor argjentinas, 22-vjeçar, është transferimi më i ri i Aston Villas, duke iu bashkuar klubit në formë huazimi për një sezon. Marrëveshja përfshin një opsion që transferimi të bëhet i përhershëm, nëse Garnacho arrin një numër të caktuar paraqitjesh gjatë sezonit të ardhshëm.

Garnacho u largua nga Manchester United verën e kaluar dhe iu bashkua Chelseat për rreth 40 milionë funte, por periudha e tij në “Stamford Bridge” nuk shkoi sipas pritshmërive, pasi ai nuk arriti të shfaqë vazhdimisht nivelin që kishte treguar më herët.

Tani, me një kapitull të ri në karrierën e tij, reprezentuesi argjentinas është i motivuar për të punuar nën drejtimin e Unai Emeryt dhe për të dëshmuar vlerat e tij në fanellën e Villas.

Garnacho beson se filozofia dhe përvoja e trajnerit spanjoll mund t’i japin atij mundësinë për të rikthyer sigurinë dhe ndikimin që kishte gjatë fillimeve të tij në futbollin elitar.

Aston Villa shpreson që ardhja e tij të shtojë më shumë kreativitet dhe rrezik në repartin ofensiv, ndërsa Garnacho kërkon të rikthehet në qendër të vëmendjes në Premier Ligë.

KosovaPress