Kombëtarja e Kosovës në futsall javën e ardhshme do ta zhvillojë ndeshjen e fundit në kuadër të “Main Round” për kualifikimet e Botërorit 2024.

Dardanët e futsallit do të jenë mikpritës të Kombëtares së Holandës, ndeshje e cila do të zhvillohet më 3 mars, në orën 17:00, në Pallatin e Rinisë dhe Sporteve në Prishtinë.

Në fakt, në rast se Kosova fiton në ndeshjenët me Holandën me dy gola epërsi dhe më pas Ukraina e mposht Holandën në ndeshjen e fundit të grupit, atëherë tutje do të kualifikoheshin Dardanët.

Në këtë ndeshje në postin e përzgjedhësit do të debutojë Agon Ramadani, i cili tashmë edhe e ka bërë publike listën e lojtarëve që do t’i ketë në dispozicion për përballjen me “Tulipanët”, derisa grumbullimi i Dardanëve fillon më 26 shkurt.