Një futbollist uruguaian ka vdekur në moshën 27-vjeçare, pesë ditë pasi u rrëzua nw fushw gjatë një ndeshjeje në Brazil. Juan Izquierdo ishte duke luajtur në një ndeshje të Copa Libertadores në Sao Paulo kur ai pësoi arrest kardiak të enjten.

Klubi i tij Nacional njoftoi vdekjen e tij në platformwn ‘X’, duke thënë se ata ishin "në pikëllim për humbjen e tij të pazëvendësueshme".

“Është dhimbje dhe tronditje e thellë në zemrat tona që Club Nacional de Football njofton vdekjen e lojtarit tonë të dashur Juan Izquierdo”, thuhet nw njoftimin e klubit, pwrcjellw KosovaPress.

Mbrojtësi vdiq të martën në spitalin Albert Einstein të Sao Paulos, i cili tha se ai kishte pësuar "arrest kardiorespirator të lidhur me aritminë e tij kardiake". Mjekët thanë të hënën se Izquierdo ishte nën kujdesin kritik neurologjik dhe në një ventilator, pas një deklarate të mëparshme se ai kishte treguar "një progresion të dëmtimit të trurit të tij dhe një rritje të presionit intrakranial".

Izquierdo ishte në periudhën e tij të dytë me Nacional pasi i ndihmoi ata të fitonin titullin e ligës së parë në më shumë se një shekull në vitin 2023.

Alejandro Dominguez, president i organit qeverisës të futbollit të Amerikës së Jugut CONMEBOL, tha se komuniteti i futbollit në kontinent ishte në zi.

Mediat uruguaiane thanë se ai la gruan dhe vajzën dyvjeçare.