Tyson Fury ka dalë në mbrojtje të ish-kampionit britanik të peshave të rënda, Julius Francis, pasi 57-vjeçari nokautoi një burrë jashtë “BOXPARK” në stadiumin “Wembley”.

Në kulmin e tij të karrierës, Francis boksoi me boksierë të shumtë të nivelit elitar, ku vendosi këmbën në ring me Mike Tyson dhe Vitali Klitschko dhe mposhti kolegun britanik, Danny Williams.

Por, siç duket edhe në pension, ai ka një grusht serioz.

Francis, i cili tani punon si roje sigurie, u bë viral këtë javë për shkak të një goditjeje që të kujton ato që ai lëshoi kur ishte në kulmin e fuqive të tij.

Ish-boksieri u përpoq të qetësonte situatën kur një burrë, i cili kishte goditur një grup personash, iu afrua në mënyrë agresive.

Francis, duke ndjerë qartë kërcënimin e një sulmi të mundshëm, lëshoi një goditje të fortë, e cila e rrëzoi njeriun në tokë, dhe e la pa ndjenja.

Pas shqyrtimit të pamjeve të kamerave dhe bisedës me të gjitha palët e përfshira, policia ka vendosur të mos ndërmarrë asnjë veprim tjetër. Për më tepër, themeluesi/CEO i “BoxPark”, Roger Wade, ka nxjerrë një deklaratë duke zbuluar se ai qëndron pranë punonjësit të tij.

Videon në fjalë e gjeni më poshtë.

https://twitter.com/MichaelBensonn/status/1536477290267299844?ref_src=twsrc%5Etfw%7Ctwcamp%5Etweetembed%7Ctwterm%5E1536477290267299844%7Ctwgr%5E%7Ctwcon%5Es1_&ref_url=https%3A%2F%2Fwww.sporf.com%2Ftyson-fury-defends-julius-francis-after-viral-ko-punch-in-london%2F