Fundi i epokës së artë të Belgjikës • KosovaPress

Biznes

Intervista

Bajrami: Vonesa në themelimin e Asociacionit e vështirëson pozitën e Kosovës

Lajme

“Mjaft me urrejtje”, mesazhi i ipeshkvit Dodë Gjergji për Krishtlindje

Rajoni

Gjykata Penale e Shkupit refuzon ankesën e Grubit

Fundi i epokës së artë të Belgjikës

Lexohet për: 2 min.

2 vite më parë

Linku u kopjua

Pavarësisht mungesës së trofeve, Belgjika për katër vite me radhë ishte kombëtarja numër një në ranglistën botërore të FIFA-s.

Futbollistët belg arritën që përgjatë viteve 2018, 2019, 2020 dhe 2021 ta mbanin kombëtaren e tyre në vendin e parë në botë, por që fatkeqësisht sukseset munguan, raporton KosovaPress.

Pritjet ishin të mëdha për Belgjikën, e cila në përbërje të skuadrës ka yje të shumtë si Eden Hazard, Romelu Lukaku, Kevin De Bruyne e Thibaut Courtois.

Këto pritje ishin edhe në Kampionatin Botëror “Katar 2022”, por që Belgjika dështoi që të gëzojë tifozët e saj.

Belgjika e filloi këtë Botëror me fitore minimale 1:0 kundër Kanadasë, e cila u pasua nga një humbje e befasishme 2:0 nga Maroku. Ndërkaq, në ndeshjen e fundit, Belgjika barazoi pa gola me Kroacinë, rezultat ky që automatikisht shoi shpresat e belgëve për kualifikim dhe u eliminuan qysh në fazën e grupeve.

Shumica e lojtarëve belg që ishin në përbërje janë më në moshë, dhe për disa prej tyre ky Botëror ishte i fundit në karrierë.

Lojtarët si Toby Alderweireld, Jan Vertonghen, Thomas Meunier, Axel Witsel, Kevin De Bruyne e Dries Mertens, pritet që ta kenë luajtur Kampionatin Botëror të fundit në karrierë, gjë kjo që nënkupton për fundin e një epoke të artë te Kombëtarja e Belgjikës, epokë kjo e cila u karakterizua me vetëm vendin e parë përgjatë viteve 2018, 2019, 2020, dhe 2021 në ranglistën e FIFA-s.

Belgjika Fundi Epoka e arte

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.