Forumi ekonomik B2B, mundësi për sjelljen e investimeve nga Arabia Saudite
Lexohet për: 1 min.
9 muaj më parë
Linku u kopjua
Për herë të parë në Prishtinë po mbahet Forumi Ekonomik B2B, ku po marrin pjesë rreth 60 biznese nga Arabia Saudite e 200 të tjera nga Kosova, për të parë mundësitë e të bërit biznes. Ky forum po organizohet nga Oda Ekonomike e Kosovës dhe Federata e Odave Ekonomike nga Arabia Saudite.
Nikoqiri i këtij forumi, kryetari i Odës Ekonomike të Kosovës, Lulzim Rafuna deklaroi se është ndërtuar një politikë fiskale e cila favorizon zhvillimin e sektorit privat. Tutje, theksoi se kjo politikë e bën Kosovën konkurruese për investime.
Kryetari i Odës Ekonomike Saudite, Hassan Al tha se është nevojë urgjente që të thellohet shkëmbimi tregtar mes të dyja vendeve, meqë siç u shpreh ai janë shifra modeste.
Edhe kryetari i Forumit të Bizneseve Kosovë-Arabi, Abdulrahman Al-Mufarreh u shpreh se ka nevojë për rritjen e shkëmbimeve tregtare.
Oda Ekonomike e Kosovës dhe Federata e Odave Ekonomike nga Arabia Saudite kanë nënshkruar marrëveshje bashkëpunimi. /Sh.Pajaziti
