Formacionet zyrtare të Betisit dhe United
Sot me fillim nga ora 18:45 stadiumi “Benito Villamarín” do të jetë nikoqir i përballjes tejet interesante mes Real Betisit dhe Manchester United, e vlefshme kjo për ndeshjen e kthimit të fazës së 1/16-ës së Ligës së Evropës.
Ndeshja e parë që u zhvillua në stadiumin “Old Trafford” përfundoi me fitore bindëse të United me rezultat 4:1, raporton KosovaPress.
“Djajtë e Kuq” do të synojnë ta mbrojnë epërsinë që e kanë, kurse Betisi kërkon befasinë dhe të kualifikohet tutje në këtë garë.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Betisin nuk do të paraqiten Cruz, Fekir dhe Luiz Felipe, ndërsa te United mungojnë Antony, Eriksen, Garnacho, Martial, Greenwood dhe van de Beek.
Tanimë të dy trajnerët kanë vendosur se me cilët lojtarë do ta fillojnë ndeshjen e sotme, dhe formacionet zyrtare i gjeni më poshtë.
Real Betis (4-2-3-1): Rui Silva; Sabaly, Pezzella, Gonzalez, Vinicius; Rodriguez, Carvalho; Ruibal, Joaquin, Juanmi; Perez
Manchester United (4-2-3-1): De Gea; Malacia, Martinez, Maguire, Wan-Bissaka; Fred, Casemiro; Rashford, Fernandes, Pellistri; Weghorst
