Formacionet zyrtare të Ballkanit dhe Slavia Prague – foto
Lexohet për: 2 min.
2 vite më parë
Linku u kopjua
Në stadiumin “Fadil Vokrri” do të zhvillohet sonte ndeshja e Ligës së Konferencës ku Ballkani do të ballafaqohet me Slavia Prague, ndeshje kjo vendimtare sa i përket fatit të kampionit kosovar në këtë garë.
Ballkani ka katër pikë në vendin e katërt në grupin G, aq sa ka edhe skuadra çeke, andaj vetëm fitorja do ta mbante në lojë skuadrën e Ilir Dajës, raporton KosovaPress.
Në konferencë për media, Daja deklaroi se skuadra nuk është në formën më të mirë në këto momente, por me ndihmën e tifozëve edhe mund të bëjnë mrekulli.
Takimi i fundit mes këtyre dy skuadrave daton në muajin e kaluar, ku asokohe Ballkani pësoi humbje si mysafirë me rezultat të ngushtë 3:2.
Sa i përket ndeshjes së sotme, mungesa të lojtarëve do të ketë te të dy skuadrat, ku për Ballkanin nuk do të paraqite Rustem Hoxha, kurse te Slavia Prague mungojnë Boril, Santos, Holes, Hovorka, Hromada, Jurecka, Mandous, Provod, Schranz, Sevcik, Traore.
Tanimë të dy trajnerët kanë vendosur me cilët lojtarë do ta fillojnë ndeshjen e sotme, dhe formacionet zyrtare mund t’i gjeni më poshtë.
