Trajneri i Manchester United, Erik Ten Hag ka thënë se sulmuesit të tij, Marcus Rashford i duhet përkrahja që ai të rikthehet në formën e tij më të mirë.

Rashford nuk po e ka një sezon të mirë në Premier Ligë, pasi që nuk po arrin ta gjejë formën e dikurshme. Anglezit po i mungojnë golat dhe së fundmi ka pasur spekulime se ai mund të largohet nga “Djajtë e Kuq” në fund të këtij edicioni, raporton KosovaPress.

“Rashfordit i nevojitet përkrahje. Të gjithë e dimë se çfarë mund të bëjë ai, ne të gjithë duhet ta përkrahim dhe ta nxisim atë. Ai mund të bëjë më mirë se këtë vit. Mbajeni në mend atë që e bëri sezonin e kaluar, ai është i veçantë”, tha Ten Hag.