Përzgjedhësi i Kombëtares së Kosovës në futboll, Franco Foda, ka bërë publike listën e lojtarëve të ftuar për dy ndeshjet miqësore ndërkombëtare që "Dardanët" do t'i zhvillojnë në fund të majit dhe fillim të qershorit.

Në këtë grumbullim, bie në sy menjëherë një mungesë shumë e madhe për ekipin kombëtar: kapiteni i skuadrës, Amir Rrahmani, nuk është përfshirë nga tekniku Foda as në listën bazë dhe as në atë të zgjeruar, po ashtu edhe sulmuesi Rashica mungon në këtë list.

Kosova do të zbresë fillimisht në fushë më 31 maj, ku do të përballet me Çekinë në "epet ARENA" në Pragë, me fillim nga ora 16:00. Më pas, "Dardanët" do të kthehen në shtëpi për të pritur Andorrën më 7 qershor në stadiumin "Fadil Vokrri" në Prishtinë, sfidë që do të nisë në orën 20:00.

Përgatitjet do të nisin zyrtarisht më 27 maj, ku trajneri Franco Foda do të mbajë edhe një konferencë për media në orën 15:30 në hotel Emerald.

Më poshtë e gjeni listën e plotë të lojtarëve të ftuar për këto dy përballje:

KosovaPress