Trajneri i Kombëtares së Kosovës, Franco Foda si dhe sulmuesi Edon Zhegrova janë shprehur të bindur se në ndeshjen e nesërme kundër Qipros Kosova do të luajë vetëm për fitore, pas suksesit kundër Lituanisë në udhëtim.
Duke folur për objektivat e tij, Foda theksoi se Kosova assesi nuk pajtohet me vendin e dytë në grup dhe se lufta e madhe do të bëhet për vendin e parë.
Më tutje, Foda foli edhe për mungesën e sulmuesit Vedat Muriqi i cili mungon në këto ndeshje duke thënë se ai është një lojtar i nivelit të lartë, por që në mungesë të tij, skuadra po ia del që të adaptohet mirë në fushë.
“Padyshim se Vedat Muriqi është një lojtar shumë i rëndësishëm për ne. Ai është lider, merr përgjegjësi dhe kontribuon në ekip, por fatkeqësisht ai tani është i lënduar dhe ku është një lojtar i lënduar apo kur ka mungesë sikur në rastin e Elvis Rexhbeqajt, atëherë iu jepet mundësia lojtarëve të rinj që të prezantohen dhe të tregohen. Vedati është një lojtar i një tipi tjetër, i kemi disa opsione, Rrahmanin apo Asllanin dhe tani me këto ndryshime të vogla duhet edhe sistemin e lojës ta adaptojmë pak për shkak të këtyre lojtarëve dhe mënyra e lojës ndryshon pak mirëpo në përgjithësi në fushë do të tregojmë se jemi të gatshëm të adaptohemi”, theksoi Foda.“Jo, presion nuk kam, sa herë që vijë në kombëtare vij me kënaqësi të madhe, vij për ta dhënë maksimumin në çdo ndeshje. Besoj që loja e kaluar ka qenë një lojë e mirë nga ekipi, por besoj që kemi mundur edhe më mirë ta bëjmë lojën, por kemi mësuar nga gabimet e ndeshjes së kaluar, kemi analizuar lojën dhe besoj që ndeshjen e ardhshme do të jetë loja edhe më ë mirë”, deklaroi Zhegrova.
Kosova përballem me Qipron të martën në stadiumin “Fadil Vokrri” me fillim nga ora 20:45.
