Një teknologji inovative që synon të ndryshojë mënyrën e mbrojtjes nga zjarri do të prezantohet në Kosovë më 17 qershor nga brendi FireDestroyer.

Drejtori ekzekutiv i kompanisë FireDestroyer në Kosovë, Durim Sheremeti, do të shpalosë teknologjinë që qëndron pas FireDestroyer dhe potencialin e saj për të rritur sigurinë në ambiente të ndryshme me rrezik nga zjarri.

FireDestroyer, një sistem i avancuar për zbulimin dhe shuarjen automatike të zjarrit në fazat e tij fillestare, do të prezantojë konceptin e tij unik të mbrojtjes aktive, i cili funksionon pa energji elektrike, pa sensorë dhe pa ndërhyrje njerëzore.

Ajo që e veçon këtë teknologji është reagimi i menjëhershëm ndaj temperaturave kritike. Sapo krijohen kushtet për shpërthimin e zjarrit, sistemi aktivizohet automatikisht dhe lëshon një substancë të posaçme që ndërpret procesin e djegies, duke ndaluar përhapjen e flakëve brenda pak sekondash.

Disa nga produktet që sjell brendi FireDestroyer janë FireDestroyer Disk, FireDestroyer Sticker, FireDestroyer Metal Sticker dhe FireDestroyer Ball.

Gjatë prezantimit të këtyre produkteve, do të tregohet edhe për mënyrën e funksionimit të tyre dhe mundësitë e aplikimit në objekte publike, industri, biznese, qendra të të dhënave, panele elektrike, automjete, depo dhe hapësira të tjera teknike.

FireDestroyer ofron zgjidhje për mbrojtjen e kabineteve elektrike dhe paneleve të kontrollit, serverëve, motorëve elektrikë dhe makinerive industriale, automjeteve dhe mjeteve të transportit, si dhe depove, hapësirave teknike dhe objekteve komerciale.

Me instalim të thjeshtë, jetëgjatësi deri në 18 vjet, garanci pesëvjeçare dhe pa nevojë për mirëmbajtje periodike, FireDestroyer synon të ofrojë një alternativë moderne dhe ekonomike ndaj sistemeve tradicionale të mbrojtjes nga zjarri.

Brendi FireDestroyer pritet të sjellë para publikut një gjeneratë të re të sigurisë kundër zjarrit, ku teknologjia reagon aty ku nis rreziku, duke mbrojtur njerëzit, pronën dhe vazhdimësinë e operimeve biznesore.

• 

• 

• 

•