Alessandro Bastoni dje kishte ethe, kështu që mëngjesin e sotëm u stërvit veçmas nga pjesa tjetër e skuadrës, duke iu bashkuar bashkëlojtarëve për pjesën e mbetur të stërvitjes, ndërsa Federico Dimarco punoi veçmas.

Shqetësime të lehta fizike për Italinë dhe Luciano Spallettin pasi dy mbrojtësit, Bastoni dhe Dimarco, nuk u panë duke punuar me grupin gjatë një seance stërvitore të premten, e cila ishte e hapur për mediat në 15 minutat e para, raporton KosovaPress.

Bastoni u ngroh në palestrën pranë terrenit mëngjesin e sotëm, duke qenë se kishte pasur temperaturë të enjten, por më pas iu bashkua pjesës tjetër të skuadrës për të përfunduar seancën stërvitore në fushë.

“Football Italia” kupton se bashkëlojtari i tij nga Interi, Dimarco, nga ana tjetër, është stërvitur veçmas nga grupi për të gjithë seancën.

Dimarco ishte stërvitur veçmas për dy ditë përpara ndeshjes së hënës kundër Kroacisë, por ai ende filloi në ndeshjen e fundit të fazës së grupeve dhe u zëvendësua në fillim të pjesës së dytë.

Dimarco nuk është rikuperuar plotësisht nga një dëmtim i pësuar kundër Spanjës dhe Spalletti do të thotë më shumë për gatishmërinë e tij gjatë një konference për shtyp sot.