Shefi i misionit EULEX Giovanni Pietro Barbano ka reaguar pas vrasjeve të fundit të dy grave në Kosovë. Ai në rrjetin social X ka dënuar ashpër rastet e fundit të vrasjeve të grave, duke thënë se EULEX është i përkushtuar të mbështesë institucionet në luftën kundër këtij fenomeni. “EULEX dënon ashpër rastet e fundit të femicideve në Kosovë. Si Mision për Sundimin e Ligjit, ne jemi plotësisht të përkushtuar për të mbështetur institucionet vendore në luftën kundër këtij fenomeni të tmerrshëm, ku gratë janë kryesisht viktima”, shkroi ai.