Kompania ERC Trade nga Prishtina, një kompani udhëheqëse në fushën e tregtisë vendore dhe ndërkombëtare i është dhënë çmimi “START UP Kompania me e mirë bashkëpunuese për vitin 2020-2022” nga prodhuesi i njohur ndërkombëtar nga Italia “LOACKER” mbajtur më 23 prill ne Koln të Gjermanisë në kuadër të panairit më të madh në botë për ëmbëlsirat dhe ushqimet – ISM Koln 2023.

Çmimi njeh ERC Trade, për kontributin e tij të jashtëzakonshëm në përfaqësimin dhe distribuimin e produkteve të njohura ndërkombëtare “LOACKER” në tregun e Kosovës.

Duke folur për çmimin, drejtori i përgjithshëm i kompanisë ERC TRADE, Arben Arifi, tha: “Dua të shfrytëzoj këtë rast dhe të shpreh mirënjohjen time për bashkëpunimin ndërmjet ERC TRADE dhe kompanisë italiane LOACKER dhe jemi thellësisht të nderuar me vlerësimin zyrtar dhe çmimin e fituar nga LOACKER - “StartUp kompania më e mirë bashkëpunuese për vitin (2020-2022)”.

Ai ka falënderuar për mundësinë për të punuar së bashku dhe theksoi se është kënaqësi dhe përvojë e veçantë ky bashkëpunim me kompaninë dhe ekipin e LOACKER.

“Së bashku kemi arritur momente të rëndësishme dhe jemi krenarë për progresin që kemi bërë dhe ndikimin pozitiv që kemi pasur. Duke parë përpara, ERC Trade mbetet e përkushtuar të eksplorojë mundësi të mëtejshme bashkëpunimi midis kompanive tona dhe të vazhdojmë të mbështesim rritjen dhe suksesin e njëri-tjetrit. Ju faleminderit për çmimin! Ju faleminderit për mbështetjen dhe bashkëpunimin tuaj!”, thekson ai.   

Kompania ERC Trade, më bazë në Prishtinë është distributor i përgjithshëm i disa markave dhe produkteve të njohura ndërkombëtare në tregun e Kosovës. Produktet e shpërndara janë të një cilësie shumë të lartë, shumë të pasura në shumëllojshmëri dhe në përputhje me kërkesat dhe nevojat e konsumatorëve në vend.