Gjykata Themelore në Prishtinë e ka dënuar me 12 vjet burgim për krime lufte Ekrem Bajroviqin.

Bajroviq u dënua me 12 vjet burgim për Masakrën e Sardranit, transmeton KosovaPress.

Kryesuesi i Trupit Gjykues, Avni Syla ka shpall për herë të dytë fajtor Ekrem Bajroviqin, dënohet me burg prej 12 vitesh

Bajroviqi u dënua me 12 vjet burgim për Masakrën e Saradranit.

"Sot me datë 3.7.2026, në emër të popullit shpallim këtë aktgjykim. I akuzuari Ekrem Bajroviq, të dhënat personale si në shkresat e lëndës, gjykata e shpall fajtor për veprën penale krim i luftës ndaj popullatës civile, bashkëkryerje nga neni 142 lidhur me nenin 22 të Ligjit Penal të Republikës Socialiste Federative të Jugosllavisë, si ligj në fuqi në kohën e kryerjes së veprës penale. Andaj gjykata, u përmbahet neneve 4, 5, 6, 7, 8, 11, 12, 22, 25, 33, 34, 35, 38, 41, 51 të Ligjit Penal të Republikës Socialiste Federative të Jugosllavisë, dhe nenin 368, 366 të Kodit të Procedurës Penale të Kosovës, e gjykon të akuzuarin me dënim me burgim në kohëzgjatje prej 12 viteve. Në të cilin dënim do t'i llogaritet edhe koha e kaluar në paraburgim, nga data 19.10.2022 e tutje, por jo më gjatë se dënimi i shqiptuar me aktgjykim”, tha Syla, raporton KosovaPress.

Syla tha se të akuzuarit Bajroviq i vazhdohet masa paraburgimit deri në plotfuqishmërinë e aktvendimit, por jo më gjatë se dënimi i shqiptuar.

Bajroviqi u detyura nga Gjykata që t’i paguajë shpenzimet e paushallit gjyqësor në vlerë prej 300 euro si dhe në emër të kompensimit për viktimat e krimit në vlerë prej 100 euro.

Syla tutje tha se palët e pakënaqura kanë të drejtë ani pse në afat prej 30 ditëve nga dita e pranimit të aktgjykimit, në Gjykatën e Apelit

E, dëshmitari kryesor i kësaj masakre, Naim Elshani, tha se nuk pajtohet me dënimin prej 12 vjet për Bajramoviqin.

Elshani tha se dy herë ishte para vrasjes nga serbët, ndërsa herën e trete u vra nga gjykatat e Kosovës.

/Kosovapress/