Policia e Kosovës sot rreth orёs 17:25 ёshtё njoftuar se nё rrugën “Agim Binak Qelaj” në Pejë ka ndodhur njё aksident trafiku mes njё veture dhe njё kёmbёsori. Policia pas hetimeve fillestare ka kuptuar se nuk ka tё bёjё me aksident, pasi viktima ёshtё goditur me veturё qёllimisht. Viktima ёshtё dёrguar nё Spitalin Rajonal nё Pejё, ku ka ndërruar jetë nga plagët e marra dhe nga ekipi mjekёsor ёshtё konstatuar vdekja e viktimёs - shtetas i Shqipёrisё.

I dyshuari ka ikur nga vendi i ngjarjes duke e braktisur veturёn nё njё lokacion tjetёr. Policia pas njё pune intensive operativo hetimore ka arritur tё identifikojnё dhe arrestojё personin e dyshuar S.J. (23), shtetas i Shqipërisë. Personi i dyshuar me urdhёr tё prokurorit tё shtetit ndalohet pёr 48 orё pёr veprën penale “vrasje e rёndё”, ndёrsa trupi i pajetё i viktimёs dёrgohet nё Institutin e Mjekёsisё Ligjore nё Prishtinë pёr obduksion.