Portieri i Interit, Andre Onan ka njoftuar sot për pensionimin e tij nga Kombëtarja e Kamerunit duke thënë se zemra ime kamerunase do të vazhdojë të rrah.

26 vjeçari nuk ishte titullarë me kombëtaren e tij për dy nga tri ndeshjet e fazës së grupeve të Kupës së Botës pas një argumenti për shkak të taktikave të trajnerit, Rigobert Song, raporton KosovaPress.

Onana luajti në lojën e parë kundër Zvicrës, por u zëvendësua në ndeshjen e dytë kundër Serbisë, dhe më pas u rikthye në shtëpi para ndeshjes së tretë dhe të fundit të fazës së grupeve kundër Brazilit.

Onana tani e ka konfirmuar që ai nuk do të luajë më futboll me kombëtaren e tij përmes një komunikate zyrtare në rrjetet e tij sociale.

“Çdo tregim e ka një fund, dhe tregimit tim me Kombëtaren e Kamerunit i ka ardhur fundi. Lojtarët vijnë dhe shkojnë, emrat janë të përkohshëm, por Kameruni mbetet i pavdekshëm, ashtu sikurse dashuria ime për kombëtaren dhe për popullin tanë të cilët gjithmonë na kanë përkrahur neve pavarësisht sa i vështirë ka qenë momenti”, shkruante Onana.

“Ndjenjat e mija nuk do të ndryshojnë kurrë, zemra ime kamerunase do të vazhdojë të rrah dhe kudo që do të shkoj, unë gjithmonë do të ngritë flamurin e Kamerunit sa më lartë që është e mundur”, shkruante më tej Onana.

Onana bëri debutimin e tij me Kamerunin në shtator të vitit 2016 dhe luajti në 34 ndeshje me kombëtaren.

Ai iu bashkua Interit si lojtar i lirë verën e kaluar pasi që i skadoi kontrata e tij me Ajaxin. Ai ka luajtur 13 ndeshje në të gjitha garat këtë sezon me “Nerazzurët”, duke pranuar 16 gola dhe duke mbajtur portën të paprekur në pesë raste.

Tweet / Twitter