Dogana e Kosovës, pas një hetimi preliminar nga Prokuroria Themelore në Prishtinë, ka arrestuar dy persona të dyshuar për përfshirje në shkelje të kodit doganor.

Personat e arrestuar janë pronari i mallit dhe shoferi i kamionit, të cilët dyshohen se kanë kryer vepra penale.

Pas hetimeve dhe mbledhjes së provave të mjaftueshme, u ndërmorën veprimet e arrestimit të këtyre persona të dyshuar për veprat shmangie nga detyrimet doganore, heqja dhe dëmtimi i vulave zyrtare, si dhe dëmtimi i plombave në dy raste të veçanta.

Ata dyshohen për manipulim të mallrave gjatë procedurave doganore, duke synuar shmangien e pagesës së detyrimeve doganore dhe shkeljen e sigurisë së plombave zyrtare të vendosura nga Dogana e Kosovës.

Me urdhër të Prokurorit të rastit, të dyshuarit janë ndaluar për 48 orë, ndërsa hetimet e mëtejshme janë në zhvillim e sipër për të përcaktuar përmasat e plota të këtyre veprimeve.