Policia rajonale e Kosovës Ferizaj ka arrestuar sot H.S. dhe E.S., pronarë të një auto shkolle në Kaçanik dhe degën e saj në Han të Elezit, nën dyshimet se kanë marrë ryshfet nga kandidatët për patentë-shofer duke iu shmangur testeve/kritereve përkatëse, përfshirë sigurimin e certifikatës mjekësore.

Gjatë kontrollit të auto shkollës me urdhër nga Gjykata Themelore-Ferizaj, janë gjetur dhe konfiskuar dy telefona mobilë, regjistratorë-libra- gjithsej pesë, fletore regjistrimi; fletore interne dhe gjepi–gjithsej shtatë, 64 dosje origjinale të kandidatëve dhe 21 certifikata mjekësore të shoferëve profesionalë për punë.

Personat e dyshuar janë intervistuar në prezencë të avokatit mbrojtës, dhe me aktvendim të prokurorit janë ndaluar për 48 orë për procedurë të mëtejme ligjore.