Borussia Dortmundi ka reaguar pasi që e humbi titullin në ndeshjen e fundit të zhvilluar në Bundesliga.

Dortmundi barazoi 2:2 në xhiron e fundit me Mainzin, barazim ky që i mjaftoi Bayern Munichut që të shpallet kampion për të 11-ën herë në kampionatin gjerman, raporton KosovaPress.

Tifozët e Dortmundit mbetën zemërthyer, ndërsa edhe lojtarët e klubit nuk mund t’i mbanin lotët në fund të ndeshjes me Mainzin.

Tani, Dortmundi ka reaguar në “Facebook”, duke thënë se ëndrra u shkatërrua por jo edhe klubi, duke premtuar se do të rikthehet më i fuqishëm.

“Ditët emocionale janë pas të gjithëve. Ditë frustrimi, ditë zhgënjimi, ditë zbrazëtie. Rrallëherë kemi qenë emocional sikurse të shtunën e kaluar.

Por ka pasur edhe shumë momente kur tifozët tanë, lojtarët tanë, trajneri ynë - të gjithë ju - e keni treguar me fjalë dhe vepra se çfarë e bën këtë klub: Borussia Dortmund qëndron së bashku me vendosmëri dhe besnikëri.

Po ëndrra jonë është shkatërruar, por jo klubi ynë. Ne do të ngrihemi përsëri. Më shumë zhurmë. Edhe më e fortë. E uritur akoma më shumë. Dhe ne do të japim gjithçka që kemi”, shkruante në postimin e Dortmundit.