Medalistja botërore Donjeta Sadiku do të stoliset me medaljen e bronztë të Evropës, që ka vleftën e arit, pasi që është medalje historike pas 39 viteve në konkurrencën e senioreve në boks.

Sipas Federatës së Boksit, boksierja 60kg, Sadiku pësoi humbje në gjysmëfinale të kampionatit Evropian që po mbahet në Budva të Malit të Zi nga kampionia olimpike Tokio 2020 Kellie Harrington e Irlandës.

“Donjeta me një shpirt luftarak dhe teknik të përsosur dha gjithçka nga vetja dhe tregoi se është njëra ndër boksieret më të mira në Evropë dhe Botë. Urime Donjetës urime Kosovës për një tjetër sukses historik në boks”, thuhet në komunikatë.