Dita e Tokës, MMPHI: Zero tolerancë ndaj gjithë atyre që degradojnë mjedisin
Lexohet për: 1 min.
8 muaj më parë
Linku u kopjua
Me rastin e Ditës Ndërkombëtare të Tokës, Ministria e Mjedisit, Planifikimit Hapësinor dhe Infrastrukturës ka nënshkruar vendimin për themelimin e Task Forcës për të mbrojtur ambientin në vend. Ministri i MMPHI, Liburn Aliu ka theksuar se ky veprim do të bëjë reduktimin e mbeturinave të plastikës.
Zëvendësministri i Mjedisit Jeton Raka ka bërë të ditur se kjo Task-Forcë do të mbrojë lumenjtë dhe parqet kombëtare dhe do të reduktojë mbetjet plastike.
Në anën tjetër, drejtori i Policisë së Kosovës për Hetimin e Krimit të Organizuar dhe Krimeve të Rënda, Jasip Krasniqi, tha se krijimi i kësaj Task-Force është një mundësi shtesë për ngritjen e parandalimit dhe kontrollit në një nivel më të lartë në bashkëpunim me institucionet tjera.
Ndryshe, më 22 prill, në mbarë botën, dashamirëse të mjedisit organizohen një varg aktivitetesh për të mirën e mjedisit dhe njeriut, si aktivitete pastrimi, gjelbërimi, pyllëzimi, manifestime në formë protestash, ekspozita, koncerte, vizita, peticione, orë edukative me nxënës, etj./E. Krasniqi
