Dita 10 e sulmeve amerikane në Iran, ndërsa Teherani godet një cisternë në Hormuz
Tjera
Lexohet për: 1 min.
Dëgjoje me zë...
Dita 10 e sulmeve amerikane në Iran, ndërsa Teherani godet një cisternë në Hormuz
Irani sulmoi një cisternë në ngushticën e Hormuzit të martën, duke detyruar ekuipazhin ta braktiste anijen, ndërsa SHBA-ja kreu një tjetër valë sulmesh ajrore ndaj Iranit.
Sulmet amerikane, që kanë hyrë në natën e 10-të radhazi, nuk e kanë detyruar Teheranin të heqë dorë nga kontrolli mbi ngushticën e Hormuzit, përmes së cilës në kohë paqeje kalon rreth një e pesta e naftës dhe gazit natyror të tregtuar në botë.
Ndërsa tensionet mes dy vendeve përshkallëzohen, ministri i Brendshëm iranian udhëtoi në Pakistan për bisedime. Ndërkohë, transporti detar në ngushticë është pothuajse paralizuar dhe çmimet e naftës janë rritur, me Brent-in mbi 88 dollarë për fuçi.
Sipas Associated Press, ushtria amerikane konfirmoi gjithashtu vdekjen e dy ushtarëve në Jordani dhe një tjetër në Irak. Presidenti Donald Trump paralajmëroi se Irani do të përballet me pasoja të rënda për çdo ushtar amerikan të vrarë, transmeton KosovaPress.
