Sot në mëngjes është djegur një fabrikë e mishit në Babimovc. Në vendngjarje kanë dalë policia dhe zjarrfikësit, të cilët po merren me rastin, raporton KosovaPress.

Policia e Kosovës nuk ka dhënë detaje për dëmet që janë shkaktuar nga ky zjarr në këtë fabrikë.

“Sot rreth orës 05:30, kemi pranuar informatën për një incident zjarri në një fabrikë në fshatin Babimovc. Në vendngjarje janë zjarrfikësit dhe policia të cilët po merren me rastin ku janë shkaktuar vetëm dëme materiale. Për detaje të tjera njoftoheni me kohë”, thotë zëdhënësja e Policisë së Kosovës për Rajonin e Prishtinës, Flora Ahemti për KosovaPress.

Ekipi i KosovaPress është në vendin e ngjarjes raporton se tashmë zjarri është ndal dhe njësia hetuese është duke u marr me rastin ku janë shkaktuar vetëm dëme materiale.

Një punëtorë i kësaj fabrike i ka thënë KosovaPress se dyshohet që shkaktar i zjarrit është rryma.

Ani se nuk është prononcuar pronari i fabrikës ‘Apetit’, mësohet djegia ka përfshirë pjesë të depos dhe fabrikës, por jo edhe thertores.