Di Gregorio refuzoi gjigantin anglez për Juventusin
“Tuttosport” pretendon se Michele Di Gregorio së fundmi refuzoi një ofertë nga Liverpooli, pasi kishte arritur tashmë një marrëveshje me Juventusin.
Di Gregorio është në prag të bashkimit me Juventusin nga Monza në një marrëveshje huazimi me një detyrim blerje për 20 milionë euro, raporton KosovaPress.
Sipas “Tuttosport” Juventusi do të jetë i detyruar të nënshkruajë me portierin italian sapo të fitojë pikën e parë në Serie A në shkurt të vitit 2025. Di Gregorio dhe Monza kanë refuzuar një ofertë nga Liverpool vetëm pak ditë më parë.
Raportohet se oferta e Liverpoolit ishte më e lartë se ajo e Juventusit si për lojtarin ashtu edhe për klubin, por Di Gregorio dhe drejtori i Monzas, Adriano Galliani zgjodhën të shtrëngonin duart me “Zonjën e Vjetër” me të cilën kishin arritur një marrëveshje më herët.
Di Gregorio u shpall portieri më i mirë i Serie A për sezonin 2023/24. 26-vjeçari mbajti 14 porta të paprekura në 33 ndeshje të Serie A, duke pësuar 35 gola.
