Sulmuesi i Bayern Munich, Michael Olise, vodhi spektaklin në miqësoren e fundit të Francës, duke shënuar tre gola në fitoren 3-1 kundër Irlandës Veriore në Lillë.

Ndërsa Kylian Mbappe dhe yjet e tjerë patën një mbrëmje të zymtë, Olise tregoi një formë të jashtëzakonshme përpara nisjes së Botërorit.

Trajneri i "Les Bleus", Didier Deschamps, nuk i kurseu lëvdatat, por i dërgoi edhe një mesazh të qartë yllit të tij të ri:

"Do të na duhet një Michael Olise në këtë nivel. Michael veçohet për shkak të sezonit që ka pasur te Bayerni dhe me ne. Ai ka arritur gjëra vërtet të mëdha, është plot vetëbesim. Gjithashtu ka aftësinë për të bërë përpjekje (në fushë), gjë që është e jashtëzakonshme."

Franca, e cila luajti me një sulm të frikshëm ku bënin pjesë edhe Mbappe, Desire Doue dhe Ousmane Dembele, tregoi disa probleme në sinkronizim, por klasifikimi i Olise bëri diferencën. Lajm i mirë për teknikun francez ishte edhe rikthimi i mbrojtësit William Saliba pas një dëmtimi.

Franca do të niset drejt SHBA-së këtë të mërkurë për t'u përgatitur për ndeshjen e parë të Botërorit kundër Senegalit më 16 qershor, përpara se të përballet me Irakun dhe Norvegjinë në Grupin I.

KosovaPress