Aktivistja e Lëvizjes Vetëvendosje, Dejona Mihali ka përfunduar intervistimin në Prokurorinë Speciale të Kosovës. Ajo nuk ka dashur të jap detaje por shtoi se ishte aty për zbardhjen e të vërtetës.

Derisa ka rekomanduar të pyetet prokuroria, Mihali ka mohuar se ishte në intervistim për rastin e ish-kryeshefit të Korporatës Energjetike të Kosovës (KEK), Nagip Krasniqi për të cilin është ngritur aktakuzë për keqpërdorim të detyrës zyrtare.

Prokuroria Speciale me herët njoftoi se sot Dejona Mihali, është paraqitur në Prokurorinë Speciale me ftesë të kësaj prokurorie.

Sipas njoftimit, e njëjta është duke u intervistuar në cilësinë e dëshmitares për disa çështje penale, të cilat kjo prokurori i ka në hetim.

Ajo u intervistua dy prokurorët Ilir Morina dhe Fikrije Krasniqi dhe një hetues policor i Departamentit Kundër-Korrupsionit.

Ndërkohë, është raportuar se Mihali ka dijeni për tenderët milionësh në KEK për të cilët është nën hetim Nagip Krasniqi, si dhe për rastin e keqpërdorimit të detyrës për të cilin po hetohet kryeshefit aktual të “Ibër-Lepencit”, Faruk Mujka, të dy këto raste janë nën hetim nga Specialja.

Ndryshe, Dejona Mihali mbanë pozitën si “Koordinatore e Komiteteve”, në LVV,  që nga viti 2016. Mihali ka lindur në Tiranë dhe që ka studiuar në Fakultetin e Shkencave Sociale, Departamentin Filozofi-Sociologji.

https://kosovapress.com/prokuroria-speciale-e-konfirmon-intervistimin-e-dejona-mihalit