Trajneri i ri i Olympique Marseille, Roberto De Zerbi, po kërkon në Serie A për përforcime, dhe thuhet se synon mesfushorin e Juventusit, Manuel Locatelli dhe sulmuesin e Interit, Valentin Carboni.

Ish-trajneri i Brightonit po e transformon skuadrën dhe tashmë ka siguruar Ismael Kone nga Watford, i cili ishte lidhur me Romën, raporton KosovaPress.

Sipas “Footmercato”, ai është gjithashtu i frymëzuar nga Seria A dhe ka dy emra në listën e dëshirave të tij.

I pari është mesfushori i Juventusit, Locatelli, i cili nuk e ka maskuar zhgënjimin e tij me mënyrën se si është përdorur në Torino, një vendim që në fund e la atë jashtë skuadrës së Italisë për EURO 2024.

Megjithatë, ardhja e trajnerit të ri Thiago Motta mund ta ndryshojë këtë dhe ai është i etur që të paktën të përpiqet të zhvillohet si lojtar me “Zonjën e Vjetër”.

Një kandidat më i mundshëm është sulmuesi i Interit, Carboni, i cili e kaloi këtë sezon si huazim te Monza. Pavarësisht se është vetëm 19 vjeç, ai tashmë ka 36 paraqitje në Serie A, me dy gola dhe katër asistime. Më e rëndësishmja, Carboni gjithashtu ka tre paraqitje për Argjentinën dhe është pjesë e skuadrës së Kupës së Amerikës.

Atalanta gjithashtu kishte qenë e lidhur, por Marseille ka të ngjarë ta blinte atë plotësisht në vend të një huazimi me opsion blerjeje. Carboni luan si trequartista, sulmues mbështetës ose në krahun e djathtë.