Trajneri Antonio Conte është rrugës drejt largimit nga Napoli.

Ky vendim vjen si një "shok" për tifozët, pasi tekniku italian e udhëhoqi skuadrën drejt fitimit të titullit kampion në Serie A për sezonin 2024/25.

Palët thuhet se kanë arritur një marrëveshje për të ndarë rrugët në fund të këtij edicioni, duke i dhënë një fund të papritur aventurës së tij pas vetëm një viti në krye të pankinës napolitane, sipas një raportimi të fundit nga BeSoccer, i cili u referohet medieve italiane si Il Mattino.

Detajet nga marrëveshja e largimit:

Ndonëse kishte nënshkruar një kontratë të vlefshme deri në qershor të vitit 2027, Conte ka vendosur të mos krijojë pengesa:

"Trajneri italian është i gatshëm të heqë dorë nga paga e vitit të tij të fundit të kontratës, si dhe nga një dëmshpërblim prej 18 milionë eurosh që normalisht do të aktivizohej nga ndërprerja e parakohshme e marrëveshjes."

Ky vendim, sipas raportit, nënvizon dëshirën e qartë të 56-vjeçarit për t'u larguar pastër nga ky projekt, pa hyrë në mosmarrëveshje të gjata ligjore apo kontraktuale me klubin.

---

Çka pritet të ndodhë tani?

Spekulimet në Itali sugjerojnë se Conte nuk po planifikon një rikthim të menjëhershëm në futbollin e klubeve për sezonin e ardhshëm. Përkundrazi, zërat po shtohen për një kalim të mundshëm në krye të kombëtares së Italisë, me Azzurrët që po kërkojnë stabilitet pas dështimit për t'u kualifikuar në Botëror.

Ish-trajneri Maurizio Sarri ka dalë si kandidati kryesor për të marrë sërish drejtimin e skuadrës, pasi njihet mirë me ambientin dhe vlerësohet lart për përvojën e tij në Napoli.

KosovaPress