Futbollistët e Manchester City kanë ndërprerë serinë e fitoreve në Premier Ligë duke luajtur baras me Arsenalin para shikuesve të vet në një përfundim dramatik që do t’iu kushtonte humbjen e parë këtë edicion.

Erling Haaland vazhdoi top-formën e tij prej golave, duke shënuar në minutën e 9-të për epërsinë e të përzgjedhurve të Pep Guardiola.

Arsenali megjithatë arriti të barazojë shifrat përmes golit të Riccardo Calaffori  në minutën e 22-të.

Mysafirët nuk u ndalën me kaq dhe shënuan përmes Gabriel Magalhaes golin e dytë në minutën e parë të kohës shtesë.

“Topçinjtë” mbetën me një lojtar më pak në fushë, pasi në minutën e tetë të kohës shtesë me karton të kuq u ndëshkua Leandro Trossard.

Në pjesën e dytë “qytetarët” dominuan në terren duke rrezikuar portën kundërshtare, por nga humbja e parë në këtë edicion të ri të garave shpëtuan vetëm në minutën e tetë të kohës shtesë përmes golit të John Stones.

Pas gjashtë ndeshjeve të zhvilluara, City vazhdon t’i prijë tabelës me 13 pikë, pasuar nga Liverpool me 12, ndërsa Arsenali renditet në pozitën e katërt me 11 pikë.