Pas vite grumbullimi të provave, do të nisë gjyqi ndaj Manchester Cityt për 115 shkelje financiare, një nga momentet më kritike në historinë e Premier Ligës.

Klubi me të cilin Pep Guardiola ka dominuar në dhjetë vjetët e fundit është akuzuar për shkelje të rregullave të Fair Play-it financiar dhe seanca e parë në gjykatë do të mbahet më 16 shtator.

Procesi gjyqësor duhet të zgjasë dhjetë javë dhe vendimi duhet të merret në fillim të vitit 2025. Cilido qoftë vendimi, ai do të ketë pasoja të mëdha ose për Cityn ose Premier Ligën.

City është në pronësi të një familjeje miliarderësh nga Abu Dabi dhe është qendra e një korporate sportive që përfshin 13 ekipe nga pesë kontinente. Më e famshmja është dega e Cityt, Girona.

Klubi anglez mohon akuzat se mund të jenë pjesëmarrës në një nga skandalet më të mëdha në historinë e sportit. Dënime të ndryshme janë të mundshme, nga dënime të mëdha financiare deri te konfiskimi i trofeve dhe përjashtimi nga Premier Liga.

Nëse anglezët ndëshkojnë Cityn, kjo mund të çojë edhe në një shtrëngim të marrëdhënieve Britani-Emiratet e Bashkuara Arabe. Përkatësisht, kreu i Emirateve është vëllai i pronarit shumicë të Cityt, Sheik Mansour. Është e pashmangshme që klubi do të duhet të shpenzojë dhjetëra miliona euro për avokatët.

Gjithçka filloi me aferën Football Leaks, në të cilën u zbuluan një sasi e madhe informacioni konfidencial dhe kontrata transferimi. Në vitin 2018, gazeta gjermane Spiegel publikoi një histori se City manipuloi rregullat e UEFA-s për të nënshkruar kontrata me lojtarët dhe në këtë ata u ndihmuan nga dokumentet nga afera Football Leaks.

City pagoi një gjobë të madhe në vitin 2014 për shkeljen e rregullave financiare, dhe më pas në vitin 2020 i shpëtoi një ndalimi dy-vjeçar nga garat evropiane të klubeve vetëm pas një apeli.

Ja, për çfarë akuzohet klubi dhe për çfarë do të përgjigjet në gjyq:

-Nga viti 2009 deri në vitin 2018, 54 herë ka dështuar të nxjerrë një raport të saktë financiar

-14 herë nuk ka paraqitur raporte të sakta për pagesën e lojtarëve dhe trajnerëve nga viti 2009 deri në vitin 2018

-Shkeli Fair-Play-in financiar në Premier Ligë shtatë herë nga 2015-2018

-Nuk arriti të bashkëpunonte me hetimin e Premier Ligë 35 herë nga dhjetori 2018-2023

Gjyqi mbulon shkeljet në periudhën 2009-2023, në të cilat City fitoi pothuajse të gjithë trofetë e tij në histori - tetë kampionate angleze, Liga e Kampionëve, tri Kupa FA, gjashtë Kupa të Ligës, katër Superkupa të Anglisë, Superkupa e UEFA-s dhe kampionatin botëror për klube.