City konfirmon transferimin e yllit argjentinas – video
Lexohet për: 2 min.
5-City
2 vite më parë
Linku u kopjua

Kampioni anglez, Manchester City, e ka konfirmuar sot transferimin e sulmuesit Julian Alvarez nga skuadra e River Plate.

Julian Alvarez do të bashkohet me ekipin e parë të Cityt këtë fundjavë, për përgatitjet përpara sezonit të ri 2022/23.

Alvarez, 22 vjeç, iu bashkua Cityt në afatin kalimtar të janarit dhe nënshkroi një kontratë pesëvjeçare me klubin, por qëndroi në River Plate deri në fund të sezonit të kaluar në formë huazimi, përcjell KosovaPress.

Ndeshja e tij e fundit për River Plate ishte në eliminatoret e Copa Libertadores kundër Velez Sarsfield. Ndeshja përfundoi 0:0 ku Velez vazhdoi tutje me rezultat të përgjithshëm 1:0.

Duke folur para ardhjes së tij te City, Alvarez tha:

“Jam tejet i lumtur dhe ndihem gati të luaj për Cityn. Kjo është, pa dyshim, një nga skuadrat më të mëdha në futbollin botëror. Ju vetëm duhet të shihni se çfarë ka fituar ky ekip në dekadën e fundit për të kuptuar cilësinë e tyre”.

“City ka një histori të mrekullueshme të kohëve të fundit të lojtarëve argjentinas dhe unë dua të vendos vulën time në klub në të njëjtën mënyrë si Sergio Aguero, Pablo Zabaleta dhe Carlos Tevez. Jam shumë mirënjohës për gjithçka që River Plate bëri për mua dhe dua të falënderoj tifozët, stafin dhe lojtarët për mbështetjen e tyre”, shtoi më tej sulmuesi argjentinas.

Në total, Alvarez shënoi 53 gola dhe regjistroi 31 asistime në 120 paraqitje në River Plate.

Alvarez do të veshë fanellën me numrin 19 për Cityn përpara sezonit të ri.

City e ka konfirmuar gjithashtu se Alvarez do të zbulohet këtë të diele së bashku me nënshkrimet e reja Erling Haaland, Kalvin Phillips dhe Stefan Ortega Moreno.

Videon e prezantimit të Alvarez e gjeni më poshtë.

https://twitter.com/ManCity/status/1545339022943440898
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025