Chelsea i ka ofruar tre lojtarë të ekipit të parë Leicester Cityt në një marrëveshje të propozuar me lojtar plus para për të nënshkruar me Kiernan Dewsbury-Hall.

Chelsea e ka identifikuar Dewsbury-Hall si një objektiv kyç këtë verë, me trajnerin e ri Enzo Maresca të etur për t'u ribashkuar me një lojtar që ai drejtoi te Leicester, raporton KosovaPress.

Dewsbury-Hall ka bërë mbi 100 paraqitje në ligë për Leicesterin dhe ka ndihmuar “Dhelprat” të fitojnë kampionatin sezonin e kaluar dhe të sigurojnë një rikthim të menjëhershëm në Premier Ligë.

Mesfushori 25-vjeçar thuhet se është i hapur për t'u larguar nga klubi i tij i fëmijërisë këtë verë dhe favorizon një lëvizje te Chelsea në vend të Brighton, i cili gjithashtu ka shprehur interes për të siguruar nënshkrimin e tij.

Chelsea raportohet se ka paraqitur një ofertë për Leicester të premten dhe ka treguar se është i gatshëm të dërgojë një nga disa lojtarë në anën tjetër nëse kjo do të thotë të sjellë Dewsbury-Hall në “Stamford Bridge”.

“Daily Telegraph” thotë se sulmuesi Armando Broja, sulmuesi David Datro Fofana dhe mesfushori Cesare Casadei – i cili kaloi sezonin e kaluar në huazim te Leicester – janë zgjedhur të gjithë nga Chelsea si opsione të mundshme në marrëveshje.

Leicester e vlerëson Dewsbury-Hall në rreth 35 milionë funte dhe është nën presion për të shitur në mënyrë që të përmbushë rregullat e fitimit dhe qëndrueshmërisë.

Trajneri fitues i Championship, Maresca iu bashkua Chelseat pas largimit befasues të Mauricio Pochettinos nga “Stamford Bridge”. Chelsea përfundoi në vendin e gjashtë në Premier Ligë sezonin e kaluar.

Sulmuesi i Chelseat, Broja ka shënuar vetëm tre gola në 38 paraqitje për Chelsean dhe është lënduar në pjesën më të madhe të sezonit të kaluar. Pavarësisht vështirësive të tij të fundit, shumë klube të Premier Ligës – përfshirë Evertonin – po monitorojnë situatën e tij këtë verë.

Ndërkohë, Fofana duket se do të largohet nga Chelsea vetëm 18 muaj pas ardhjes së tij në klub dhe ka tërhequr interes nga disa klube evropiane.

Nëse Chelsea arrin një marrëveshje për të nënshkruar me Dewsbury-Hall, spekulimet do të rrisin vetëm se Conor Gallagher – aktualisht me skuadrën e Anglisë në Euro 2024 – mund të largohet nga klubi mes interesimit nga Tottenham dhe Aston Villa.